მისივე თქმით, რუსთაველის გამზირის გადაკეტვა არაფერს კარგს არ იძლევა.

“გზა იკეტება იმ შემთხვევაში, თუ არის ამისთვის საკმარისი რაოდენობის ადამიანი. მთელი ამ 300 დღის მანძილზე, ჩვენ ვადევნებდით თვალყურს დღეებს, როდესაც იყო საკმარისი რაოდენობის ადამიანი და იკეტებოდა გზა, მაგრამ უმეტეს შემთხვევაში, ამ ადამიანების რაოდენობა არ იყო იმისთვის შესაბამისი, რომ გზა გადაკეტილიყო, თუმცა ეს მაინც ხდებოდა.

მთავარი მოთხოვნა არის რუსთაველის გამზირის გადაკეტვა და ეს არის 1 წლის მანძილზე ადამიანების რაღაც ჯგუფის აკვიატება, ეს არაფერს კარგს არ იძლევა. რა თქმა უნდა, არცერთი ადამიანის დაკავებას არ მივესალმები და უმჯობესია, რომ ეს ყველაფერი დაკავებებისა და ჯარიმების გარეშე დასრულდეს. თუმცა, ეს არ არის მხოლოდ საქართველოს კანონმდებლობა, რომ რამდენიმე ადამიანმა შეიძლება გადაკეტოს გზა, ეს ყველგან ასეა – რამდენიმე ადამიანი ვერ გადაკეტავს გზას, არცერთ ქვეყანაში ამის უფლებას არ მისცემენ".

მისივე თქმით, ადამიანების სიმცირის გამო გზის გადაკეტვა რომ არ შეიძლება ამას ამბობს საერთაშორისო კანონმდებლობა, ამას ამბობს სტრასბურგის სასამართლოს გადაწყვეტილებები და ამას ამბობს საქართველოს კანონმდებლობა.

„ყველაზე მეტად იცით, ვისზე ვბრაზდები? – აი, იმ მომწოდებლებზე, ვინც მოუწოდებენ ამ ქუჩის გადაკეტვისკენ და თვითონ არც ერთი ჯარიმა არ მიუღიათ, არც ერთხელ არ გადაუკეტიათ, არც ერთი დღე ციხეში არ გაუტარებიათ, ოღონდ, სხვისი ხელით ნარის გლეჯას ძალიან კარგად ახერხებენ“.