“გახარია-ხაზარაძის გაერთიანება ვერაფერს შეცვლის, რადგან „ნაცმოძრაობის“ ოთხივე ფილიალი თავიდან ბოლომდე უცხოურ ძალებზე და მათ ნარატივზეა აწყობილი” – მაჭარაშვილი
“გახარია-ხაზარაძის გაერთიანება ვერაფერს შეცვლის, რადგან „ნაცმოძრაობის“ ოთხივე ფილიალი თავიდან ბოლომდე უცხოურ ძალებზე და მათ ნარატივზეა აწყობილი”, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.
მისი თქმით, სამწუხაროდ, „ნაცმოძრაობის“ ოთხივე ფილიალი არ გამოდის ქვეყნის ინტერესებიდან”.
” ბუნებრივია, ამიტომაც აქვთ კამათი, უნდა მიიღონ თუ არა მონაწილეობა თვითმმართველობის არჩევნებში. კარგად იციან, რომ მათი რეიტინგები იმაზე გაცილებით დაბალია, ვიდრე წინა წელს იყო. რაც შეეხება პოლიტიკურ ქორწინება-განქორწინებას, ეს მათი სერიალის ერთ-ერთი სეზონია. გახარია „ნაცმოძრაობასთან“ პოლიტიკურ ქორწინებაში დღემდეა, რაც არაერთხელ წამოაძახეს. ახლა ხაზარაძესთან თუ შევა პოლიტიკურ ქორწინებაში, ამაზე პასუხი საზოგადოებას ექნება. მათი პოლიტიკური დაქორწინების მცდელობა 2024 წლის არჩევნების წინ ვნახეთ და პაემნები ისე ჩაიშალა, რომ პოლიტიკური ქორწინება ვერ შედგა. ეს გაერთიანება ვერაფერს შეცვლის, რადგან ოთხივე ფილიალი თავიდან ბოლომდე უცხოურ ძალებზე და მათ ნარატივზეა აწყობილი“, – აღნიშნა გურამ მაჭარაშვილმა.
ცნობისთვის, „გახარია საქართველოსთვის“ და „ლელო – ძლიერი საქართველო“ 4 ოქტომბრის არჩევნებზე თანამშრომლობის შესახებ მემორანდუმს გააფორმებენ.
სიახლეები
- “ეკონომიკის განვითარების დონეზეა დამოკიდებული ქვეყნის ეროვნული ინტერესების რეალიზება, საგარეო პოლიტიკური პოზიციების გაძლიერება, შესაბამისად, ეკონომიკურ ზრდას მომავალშიც განსაკუთრებული მნიშვნელობა მიენიჭება” - ირაკლი კობახიძე
- “ჩვენ ვერ დავუშვებთ საქართველოში ძალადობის წახალისებას, მათ შორის ვერც ბრიტანელი ჩინოვნიკების მხრიდან, უმჯობესი იქნება, დიდ ბრიტანეთში არსებულ პრობლემებზე იზრუნოს ბრიტანელმა ჩინოვნიკმა” - ირაკლი კობახიძე
- “ჩვენთვის მნიშვნელოვანია სტრასბურგის სასამართლოს რეკომენდაცია” - ირაკლი კობახიძე
- პარტიამ „გახარია საქართველოსთვის“ და კოალიციამ „ლელო – ძლიერი საქართველო“ თვითმმართველობის არჩევნებზე ურთიერთთანამშრომლობის შესახებ მემორანდუმი გააფორმეს
- “თორნიკე რიჟვაძემ აჭარისთვის ძალიან ბევრი რამ გააკეთა, მისთვის კორუფცია და მით უმეტეს, ნარკომოვაჭრეების მფარველობა არავის დაუბრალებია, ასეთი რამ, რაც საჯაროდაც გვინახავს, წამოსულია „ნაცმედიის“ და „ნაცჟურნალისტების“ მხრიდან” - მამუკა მდინარაძე