“ვინც არ უნდა იყოს ხელისუფლებაში, თუ კანონსაწინააღმდეგო ქმედებას ჩაიდენს, სახელმწიფო ვალდებულია რეაგირება მოახდინოს, სხვანაირად გამორიცხულია, მაშინ სახელმწიფო არ ხარ” - მიხეილ ყაველაშვილი
ვინც არ უნდა იყოს ხელისუფლებაში, თუ კანონსაწინააღმდეგო ქმედებას ჩაიდენს სახელმწიფო ვალდებულია რეაგირება მოახდინოს, სხვანაირად გამორიცხულია, მაშინ სახელმწიფო არ ხარ. ამას ყველა უნდა შევეგუოთ, – ამის შესახებ საქართველოს პრეზიდენტმა, მიხეილ ყაველაშვილმა გადაცემა „იმედი LIVE“-ში განაცხადა.
მისივე თქმით, თუ სახელმწიფო არსებობს, იქ კონსტიტუციას და კანონს გვერდს ვერავინ აუვლის.
„ევროპარლამენტარები ითხოვდნენ მიხეილ სააკაშვილის გათავისუფლებას. როგორ უნდა მომხდარიყო მისი გათავისუფლება, როცა არსებობს სისხლის სამართლის დანაშაული, დაპატიმრებულია და სასამართლომ უნდა მიიღოს გადაწყვეტილება. თავად როგორ წარმოედგინათ, დემოკრატიულ ქვეყანაში როგორ უნდა განხორციელებულიყო ეს აქტი?! თუ ქვეყანა არ არის დემოკრატიული, სამართლიანი, კანონის უზენაესობასა და კონსტიტუციაზე მორგებული როგორ უნდა განახორციელოს ეს აქტი?! როცა მოგიწოდებენ, რომ ეს აქტი უნდა განახორციელოთო, მაშინ კანონი უნდა დავარღვიოთ და ისე უნდა გამოვუშვათ სააკაშვილი, სხვანაირად ხომ ვერ მოხდება?! როგორ არაფრად გთვლიან, როგორ შეურაცხყოფას გაყენებენ, რომ თითქოს ეს ჩვენ შეგვიძლია“, – აღნიშნა მიხეილ ყაველაშვილმა.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა