“ჩვენ ჩვენი მოსაზრებები, ნაბიჯები დაგეგმილი გვაქვს. ყველაფერს აქვს თავისი დრო, როდის რა უნდა გაკეთდეს. მე შემიძლია ვთქვა ჩვენი, „თავისუფლების მოედნის“ პოზიცია და მიდგომა ამ წინააღმდეგობის მიმართ. ძალიან მნიშვნელოვანია პროტესტი, სხვა მეთოდების გამოყენება, ხელისუფლებაზე ზეწოლა, ეკონომიკური ბოიკოტი, სიმბოლური თარიღების მნიშვნელოვანი აღნიშვნა, ისე როგორც იყო 9 აპრილი და როგორიც არის დღევანდელი დღე – ქართული ენის დღე. ეს ბრძოლა უნდა გავაგრძელოთ. ბუნებრივია, ძალიან ხშირად ადამიანებს უჩნდებათ ხოლმე სურვილი, რომ იყოს უფრო სწრაფი, გადამწყვეტი მოქმედებები, მაგრამ ჩვენ ასევე ვალდებულები ვართ, განსაკუთრებით პოლიტიკური პარტიების წარმომადგენლები, რომ გადაწყვეტილებები, რომლებსაც მივიღებთ, ითვალისწინებდეს ყველა იმ რისკს, საფრთხეს, რომელიც შეიძლება ადამიანებს შეექმნათ, ამა თუ იმ მოქმედებების დროს. ჩემი მიდგომა ამ ბრძოლაში არის ის, რომ ოპოზიცია, სამოქალაქო საზოგადოება მინიმალურად უნდა დაზიანდეს და მაქსიმალური პოლიტიკური ზიანი უნდა მიაყენოს მეტოქეს”, – განაცხადა ცუცქირიძემ.