„ყველა აი ამ უცხოურ უწყებას მინდა, შევახსენო, იმ წინადადებას, რასაც წერენ დაუფიქრდნენ რამდენად გულწრფელი არიან ამ წინადადებაში, იმ სეგმენტში რასაც ჰქვია სუვერენიტეტის პატივისცემა. იმიტომ, რომ რასაც ზოგიერთი უცხოური ხელისუფლება დღეს აკეთებს, ეს არის საქართველოს და ქართველი ხალხის სუვერენიტეტის უპატივცემულობა; პირდაპირ ხელების ფათური ჩვენს პოლიტიკაში, საზოგადოებრივ ცხოვრებაში. ხალხი, რომელმაც მართლაც და არაფერი ხაჭაპურის იქით საქართველოს შესახებ არ იცის, ზოგი შორიდან ტექსტებით გველაპარაკება, ზოგი აქ ჩამოდის და მიტინგზე დგება და რატომღაც თავს უფლებას აძლევს, რომ ჩაერიოს უცხო ქვეყნის, უცხო საზოგადოების ცხოვრებაში.

ქართველი ხალხი არ კადრულობს იმას, რომ ჩაერიოს ესტონელი, ლიეტუველი თუ ჩეხი ხალხის შიდა საზოგადოებრივ საკითხებსა თუ პოლიტიკაში. ამიტომ, ნურც ამ ქვეყნების ხელისუფლების ზოგიერთი წარმომადგენელი ჩაერევა ჩვენს ცხოვრებაში“, – აღნიშნა პაპუაშვილმა.