„ჩვენ ვსაუბრობთ იმასთან დაკავშირებით, რომ ეს 1000 ლარიანი პენსია შეუძლებელია, ელემენტარული თაღლითობაა, მით უმეტეს, თაღლითობაში შემჩნეული ადამიანებისგან. გთხოვთ დამატებით ინფორმაციას ამასთან დაკავშირებით, ზოგად პარამეტრებს სოციალური პაკეტიდან, რომელიც პენსიონერებზეა გათვლილი და გარკვეულწილად წარმოადგენს მათ სერიოზულ მხარდაჭერას, გინდ მედიკამენტების, გინდ სამედიცინო და სხვა დახმარებების თვალსაზრისით. ეს ხომ რეალობაა. ამასთან დაკავშირებით, ალბათ, ციფრები უნდა დავასახელოთ, ვინაიდან ვიცით გათვლა რაზეც კეთდება. 800 ათასზე მეტი პენსიონერია. მათი პროცენტი მაინც რომ მოტყუვდეს და რეალური ინფორმაცია არ ჰქონდეს, შესაძლოა, ადამიანებმა, რომლებმაც მოტყუების თაღლითური სქემა მოიფიქრეს, გადალახონ კიდეც ის ბარიერი, რომელიც არის დაწესებული.

აქედან გამომდინარე, არა მარტო იმიტომ, რომ წინასაარჩევნო პერიოდია, ჩვენი ვალდებულებაა, ხალხს სიმართლე ვუთხრათ და არა მარტო მოხუცებს და პენსიონერებს, არამედ მათ, ვინც ამ თემასთან მიმართებით არის მგრძნობიარე. ასე, რომ, გთხოვთ, დამატებით ინფორმაციას ამ საკითხებთან დაკავშირებით“, - მიმართა ვოლსკიმ ფინანსთა მინისტრს.