„ქართული ოცნება“ მძიმე დღეშია, რადგან იცის, რომ აუცილებლად დამარცხდება" - გიორგი ვაშაძე
ვერც ერთ შემთხვევაში, ბიძინა ივანიშვილი ჩვენს სწრაფვას ევროკავშირისკენ ვერ დააბრკოლებს, - ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა.
როგორც ის განმარტავს, ახლა სისტემური მუშაობა და ერთიანობაა აუცილებელი.
„ქართული ოცნება“ მძიმე დღეშია, რადგან იცის, რომ ის აუცილებლად დამარცხდება. მისთვის მაშველი რგოლი ბიძინა ივანიშვილის გამოჩენაა, მაგრამ ბიძინა ივანიშვილი ევროკავშირისკენ ჩვენს ვერც სწრაფვას შეაჩერებს და ვერც იმ დიდი გამარჯვების ჟინს, რომელიც გვაქვს. ჩვენი გამარჯვება ნიშნავს სწრაფად, სრულუფლებიან წევრობას ევროკავშირში, მშვიდობას და ეკონომიკურ კეთილდღეობას საქართველოში, მათი გამარჯვება ნიშნავს საქართველო - არსაითკენ, ამიტომ ვერც ერთ შემთხვევაში, ბიძინა ივანიშვილი ჩვენს სწრაფვას ევროკავშირისკენ ვერ დააბრკოლებს.
ეს არის მოსამზადებელი ფაზა, აბსოლუტურად ყველა რაიონში ჩავდივართ, რადგან ჩვენი ამოცანა მარტო ამ არჩევნებში გამარჯვება კი არ არის, ჩვენი ამოცანაა სწრაფად ევროკავშირში გაწევრიანება, რასაც სწრაფი რეფორმები სჭირდება და ამას ჭირდება ის, რომ 1:0 რომელიც ახლა ხალხმა „ქართულ ოცნებას“ მოუგო, ბოლომდე მივიყვანოთ. ამისთვის აუცილებელია ერთიანობა და სისტემური მუშაობა, რასაც ჩვენ აუცილებლად გავაკეთებთ“, - განაცხადა ვაშაძემ.
სიახლეები
- ,,ლელოს” დააწყებინეს კამპანია, მერე გაწიეს ,,ლელო”, გადააბარეს ,,ალტ ინფოს” და ,,პატრიოტთა ალიანსს”, ჩართული ჰყავთ უცხოეთიდან დაფინანსებული ,,ენჯეოებიც”- ირაკლი კობახიძე
- „კაია კალასის ნათქვამი მიგვანიშნებს, რომ ამ ადამიანებს არასწორი წარმოდგენა აქვთ თავისუფლებაზე"- ნინო წილოსანი
- მართლმადიდებელი ეკლესია დღეს ბარბარობის დღესასწაულს აღნიშნავს
- სამართალდამცველებმა განსაკუთრებით დიდი ოდენობით ნარკოტიკული საშუალებების საქართველოში უკანონოდ შემოტანის ფაქტი აღკვეთეს
- საქართველოდან გააძევეს უცხო ქვეყნის 43 მოქალაქე