„წარმოიდგინეთ, უახლოესი 7-8 თვის განმავლობაში, თუ სალომე ზურაბიშვილმა შეიწყალა სააკაშვილი, ეს ნიშნავს, იმას, რომ მან საკუთარ სკამზე გაცვალა სახელმწიფო ინტერესები. ამას თუ გააკეთებს სალომე ზურაბიშვილი, ეს საერთოდ საოცრება იქნება“, - განაცხადა კობახიძემ.

ამასთან, როგორც „ქართული ოცნების“ თავმჯდომარემ აღნიშნა, იმპიჩმენტი მმართველი პარტიისთვის არის წაუგებელი თამაში.

„გაშიშვლდება სალომე ზურაბიშვილის და ოპოზიციის ალიანსი და კიდევ ერთხელ დაადასტურებს ოპოზიცია, რომ ეს არის კონსტიტუციაზე მოძალადე პოლიტიკური ძალა. გახსოვთ, როგორ ძალადობდნენ ისინი 2012 წლამდე და ახლა უკვე ოპოზიციიდან ძალადობენ საქართველოს კონსტიტუციაზე. შესაბამისად, ამ ყველაფერს გავაშიშვლებთ. ჩვენთვის ეს იმპიჩმენტი არის აბსოლუტურად წაუგებელი თამაში. [იმპიჩმენტის შესახებ საკონსტიტუციო სარჩელის მომზადებაში] მეც ვარ ჩართული პირადად. ეს არის პარლამენტის წარდგინება, შესაბამისად, პარლამენტის წევრები პირადად ვართ ჩართული ამ დოკუმენტაციის მომზადებაში“,- განაცხადა კობახიძემ.