ადვოკატის თქმით, საქართველოს მესამე პრეზიდენტი მზად არის სამედიცინო მომსახურება მიიღოს, თუმცა შიმშილობას აგრძელებს.

ბექა ბასილაია ამბობს, რომ დღეს მიხეილ სააკაშვილს ადვოკატებთან სრულფასოვანი კომუნიკაციის საშუალება მიეცა. 

"შიმშილობა გრძელდება, მას ექნება ექიმებთან კონსულტაცია და მათ რეკომენდაციებს გაითვალისწინებს, როგორც ანალიზურ ასევე, მედიკამენტოზურ ნაწილში. დღეს მოგვეცა მასთან სრულფასოვანი კომუნიკაციის შესაძლებლობა, ეს მისასალმებელია. გუშინ რაც მოხდა, ის უკანონო ქმედება დღეს იყო აღმოფხვრილი. მე იმედს ვიტოვებ, რომ მომავალში, მიხეილ სააკაშვილის მხრიდან პროტესტის უკიდურეს ზომაზე მიმართვა არ გახდება საჭირო ", - განაცხადა ბექა ბასილაიამ.