მისი თქმით, ოპოზიცია იგნორირებას უკეთებს "ქართული ოცნების" მიერ დაყენებულ საკითხებს და ვადამდელ არჩევნებს უსაფუძვლოდ ითხოვს.

"მთავარი თემა, რაც ჩვენს ოპონენტებს უდევთ მაგიდაზე არის ის, რომ ყოველგვარი წინადადებების გარეშე განვიხილოთ ხელახალი არჩევნების ჩატარება. ის პოზიცია რასაც ჩვენი ოპონენტებისგან ვისმენთ, არის იგნორირება იმ საკითხების რასაც ქართული ოცნება აყენებს ნებისმიერ საკითხთან დაკავშირებით, რაც შეეხება საარჩევნო კოდექსს და საარჩევნო თემებს, რომელსაც ვთავაზობთ განსახილველად.

მე არ მგონია, რომ უნდა შევწყვიტოთ მოლაპარაკებები, ვინაიდან არსებობს დაპირისპირებული მოსაზრებები და ამ დაპირისპირებული პოზიციების დაახლოების მექანიზმია, მოლაპარაკების არსიც ეგ არის, რომ გაითვალისწინონ ოპონენტებმა საზოგადოების დამოკიდებულება, რეალური სიტუაცია, პარტნიორი ქვეყნების დამოკიდებულება,სულ მცირე წარნოადგინონ პოზიცია, თუ რატომ ამბობენ უარს გადათვლაზე ან ვიდეო თვალის გახსნაზე, რატომ აკეთებენ საერთაშორისო პარტნიორების და ორგანიზაციების დასკვნების იგნორირებას, საერთოდ რისკენ მიისწრაფვიან, რა უნდა ქნას სახელმწიფომ, რის საფუძველზე უნდა მიიღოს ვადამდელი არჩევნების ჩატარების გადაწყვეტილება? -რომ ასე უნდა ამა თუ იმ პიროვნებას - ასე უნდა სააკაშვილს და ამიტომ?", - განაცხადა ვოლსკიმ.