ექსპერტების აზრით, დოზებს შორის 8-კვირიანი ინტერვალი, შესაძლოა, "დელტა" შტამის წინააღმდეგ ბრძოლის საუკეთესო ვარიანტი იყოს.

კვლევის ფარგლებში მეცნიერებმა ჯანდაცვის სისტემის 503 ვაქცინირებული ადამიანის იმუნური პასუხი შეისწავლეს და დაასკვნეს:

• Pfizer-ის ვაქცინების დოზირების როგორც მოკლე, ისე გრძელი ინტერვალები, ჯამში, ძლიერი იმუნური რეაქციას იწვევს;

• სამკვირიანი ინტერვალით ნაკლები ანტისხეულები წარმოიქმნება, ვიდრე 10-კვირიანი ინტერვალით;

• იმ დროს, როდესაც პირველი დოზის შემდეგ ანტისხეულების დონე დაეცა, T-უჯრედების - სხვა ტიპის იმუნური უჯრედების დონე - მაღალი დარჩა;

• ვაქცინაციის ხანგრძლივ ინტერვალს საერთო ჯამში ნაკლები T უჯრედები მოჰყვა, თუმცა დამხმარე T-უჯრედების უფრო მეტი წილი დაფიქსირდა, რაც მკვლევარების აზრით, იმუნურ მეხსიერებას ინარჩუნებს.

მთავრობის მიერ დაფინანსებული კვლევა პრეპრინტ დოკუმენტში გამოქვეყნდა, მას ექსპერტების დასკვნა ჯერ არ აქვს.