კორონავირუსის სათავეს ჯერ ვერ ან არ მიაგნეს...
ჯანდაცვის მსოფლიო ორგანიზაცია ჩინური ვოიაჟის შემდეგაც ვერ ფენს ნათელს, სად და როგორ დაიწყო კორონავირუსის თავდაპირველი გავრცელება...
2021 წლის დასაწყისში ჩინეთში, კერძოდ კი ქალაქ უჰანში, ბოლოსდაბოლოს ჩავიდა ჯანდაცვის მსოფლიო ორგანიზაციის ექსპერტთა ჯგუფი, რომელსაც რამე სიცხადე უნდა შეეტანა ჩვენი პლანეტის მაცხოვრებელთა მთავარ კითხვაში - საიდან და რატომ დაიწყო ახალი კორონავირუსის გავრცელება, რომელიც რამდენიმე თვეში მსოფლიო პანდემიად გადაიქცა და კვლავ უდიდეს საფრთხეს წარმოადგენს, რადგან ვირუსი მუდმივ მუტაციას განიცდის...
ჯანდაცვის მსოფლიო ორგანიზაციის ექსპერტებმა ახალი ვერაფერი თქვეს, თუმცა ხაზი გაუსვეს, რომ ახალი კორონავირუსი უჰანის რომელიმე ლაბორატორიიდან "გამოქცეულს" არ ჰგავს, დიდი ალბათობით, ღამურების შემდეგ ის ჯერ რომელიმე სხვა ცხოველს ან ფრინველს გადაედო და მხოლოდ ამის შემდეგ გავრცელდა ადამიანებშიო...
ახალი კორონავირუსის მოქმედების ისტორია რაღაცით წააგავს შეტევაზე გადასული იმ სამხედრო დანაყოფის ტაქტიკურ ქმედებას, რომელიც ყველა გზას ეძებს მიზნამდე მისაღწევად და მის დასაზიანებლად ან გასანადგურებლად, რისთვისაც შეტევის პროცესში სრულყოფს სამიზნეზე იერიშის მეთოდებს...
ჯანდაცვის მსოფლიო ორგანიზაცია აპირებს გააგრძელოს საექსპერტო კვლევები ახალი კორონავირუსის წარმოშობის ფაქტების დასადგენად, თუმცა ძალზე საეჭვოა ამ, თუგინდ მსოფლიო დონის ორგანიზაციამ, ეს მარტომ შეძლოს. ეტყობა, პასუხი დიდ პოლიტიკაში იმალება და სიმართლის გაგება უბრალო ადამიანებისთვის ამ ეტაპზე შეუძლებელი იქნება.
სიახლეები
- 6 დეკემბრის ასტროლოგიური პროგნოზი
- სასამართლომ ლუკა კურტანიძე ოჯახში ძალადობისთვის დამნაშავედ ცნო და 7 თვით თავისუფლების აღკვეთა მიუსაჯა
- "არცერთი ადამიანი არ ყოფილა, რომელსაც ინტოქსიკაციის შედეგად ერთი დღე მაინც მოუწია საავადმყოფოში დარჩენა" - მიხეილ სარჯველაძე
- უცხოური ვალუტის ოფიციალური კურსი 6 დეკემბრისთვის
- "მნიშვნელობა არ აქვს, რა ნივთიერებას დაასახელებენ: როცა ეს მეორდება გადაბმულად, სტაფილოს წვენიც რომ ყოფილიყო, საზიანო იქნებოდა" - ზურაბ ჯაფარიძე