გავრცელებული ინფორმაციით, ერთ-ერთ ქუჩაზე, დიდი სისწრაფით მიმავალი მანქანა საცხოვრებელ სახლს, შემდეგ კი ქორწილიდან მომავალ რამდენიმე ადამიანს დაეჯახა.

ავტოსაგზაო შემთხვევას, ოთხი ადამიანის სიცოცხლე ემსხვერპლა, მათ შორის ორი არასრულწლოვანია.

ამ ეტაპზე უცნობია, რა გახდა ავარიის მიზეზი. 

როგორც შინაგან საქმეთა სამინისტროში განაცხადეს, მომხდარზე გამოძიება 276-ე მუხლის მე-8 ნაწილით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.