„საქართველოში ღვინის დამზადების კულტურა თითქმის 8 ათას წელს ითვლის. აქაურ მოსახლეობას, წინაპრების ტრადიციების მიხედვით, ღვინის დაყენების თავისებური წესები აქვთ.“, - წერს ავტორი და იმოწმებს ქვევრებს - „თიხის დიდ ამფორებს“, რომლებშიც ჩასხმული ყურძნის თეთრი და წითელი წვენი ფერმენტაციას განიცდის და ღვინოდ იქცევა. „ქვევრების წარმოებას საქართველოში უძველესი დროიდანვე მისდევენ და ეს ხელობა დღემდე შენარჩუნებულია. ამას არქეოლოგიური გათხრებიც ამტკიცებს“, - ნათქვამია სტატიაში.

„ქართული ღვინოები შვეიცარიაში პრაქტიკულად ჯერ კიდევ არ არიან კარგად ცნობილი. ისინი საკმაოდ განსხვავდებიან ევროპის ქვეყნების ღვინოებისგან. საქართველოს სხვადასხვა რეგიონში ვაზის სხვადასხვა ავტოხთონური ჯიშები ხარობს: სულ კავკასიის ამ ქვეყნაში ვაზის 500-მდე ჯიშია ცნობილი, მათ შორის ცნობილი „საფერავი“ - იტალიური „სანჯოვეზეს“ მსგავსი“, - აღნიშნავს ავტორი.

სტატიაში დახასიათებულია ქართული ღვინის ორი სახეობა - „ქვევრის საფერავი“ 2027 წლის მოსავლიდან და „ქვევრის ხიხვი“ – 2018 წლის მოსავლიდან. მითითებულია ისიც, რომ ამ ღვინოებს ქართული სამზარეულოს აზიური წარმოშობის კერძები მოუხდება მისაყოლებლად.

მოამზადა სიმონ კილაძემ

წყარო: https://bellevue.nzz.ch/kochen-geniessen/georgien-jahrtausende-alte-weintradition-ld.1560553