ადვოკატის ინფორმაციით, „ტვ პირველის“ ოპერატორი, ლაშა ჯიოშვილი ზაჰესის დროებითი მოთავსების იზოლატორშია
„ტვ პირველის“ იურისტის თორნიკე მიგინეიშვილის ინფორმაციით, ახალი ამბების ოპერატორი, ლაშა ჯიოშვილი, რომელიც დღეს დააკავეს, ზაჰესის დროებითი მოთავსების იზოლატორშია გადაყვანილი.
„ვიპოვეთ, არის ზაჰესში და მივდივართ!", - წერს მიგინეიშვილი სოციალურ ქსელში.
მანამდე გარკვეული პერიოდის განმავლობაში ლაშა ჯიოშვილის ადგილსამყოფელი უცნობი იყო.
„ტვ პირველმა" გაავრცელა განცხადება, რომელშიც ახალი ამბების სამსახურის ოპერატორის დაუყოვნებლივ გათავისუფლება მოითხოვა. განცხადების თანახმად, ,,იზოლატორის დამალვა აჩენს ეჭვს, რომ ის არის ნაცემი ან ადგილი ჰქონდა არასათანადო მოპყრობას".
შინაგან საქმეთა სამინისტროს ინფორმაციით, ,,ტვ პირველის" ახალი ამბების ოპერატორი, ლაშა ჯიოშვილი დაკავებულია ადმინისტრაციული სამართალდარღვევათა კოდექსით.
როგორც შსს-ში აცხადებენ ლაშა ჯიოშვილი დაკავებულია 173-ე მუხლით, რაც გულისხმობს პოლიციელის კანონიერი მოთხოვნის დაუმორჩილებლობას.
უფრო ადრე, ,,ტვ პირველის" ოპერატორის ლაშა ჯიოშვილის დაკავების შესახებ ინფორმაცია სოციალურ ქსელში ტელეკომპანიის საინფორმაციო სამსახურის უფროსმა ნოდარ მელაძემ გაავრცელა. მელაძის ინფორმაციით, ლაშა ჯიოშვილი "სავარაუდოდ, პოლიციელებმა გაიტაცეს", მაშინ, როდესაც აქციიდან სახლში ბრუნდებოდა.
სოციალურ ქსელ "ფეისბუქზე" გავრცელდა კადრებიც, სადაც ჩანს, როგორ სვამს რამდენიმე პირი ერთ ადამიანს მანქანაში და ისმის ხმა: ,,ოპერატორი ვარ, ლაშა ჯიოშვილი".
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა