„ოფისში ჩატარებული საგამოძიებო მოქმედებების შედეგად ამოღებული იქნა დიდი ოდენობით ინფორმაციის მატარებელი ელექტრონული მოწყობილობები, მათ შორის კომპიუტერული ტექნიკა. ასევე დაყადაღებული იქნა „ქოლ-ცენტრის“ ხელმძღვანელ პირთა საბანკო ანგარიშები და უძრავ-მოძრავი ქონებები. გამოძიება გრძელდება საქართველოს სისხლის სამართლოს კოდექსის 180-ე, 194-ე და 218-ე მუხლებით (თაღლითობა, უკანონო შემოსავლების ლეგალიზაცია და გადასახადისთვის თავის არიდება) რაც ითვალისწინებს თავისუფლების აღკვეთას ექვსიდან ცხრა წლამდე ვადით",- ნათქვამია ფინანსთა სამაინისტრის საგამოძიებო სამსახურის მიერ გავრცელებულ ინფორმაციაში.

ე.წ. ქოლცენტრების საქმეზე საგამოძიებო მოქმედებები თბილისში არაერთხელ ჩატარებულა. თაღლითურ სქემაში მონაწილეობის გამო არიან დაკავებულები.

ხელისუფლების წარმომადგენლები ე.წ. ქოლცენტრებს აკავშირებენ საქართველოს წინა ხელისუფლების თანამდებობის პირებთან, ოპოზიცია კი მთავრობის მოქმედი წევრების ჩართულობაზე საუბრობს.