ამის შესახებ ოკუპირებული რეგიონის ე.წ. უშიშროების საბჭოს მდივანი, სერგეი შამბა იტყობინება.

ახრა ავიძბას სოჭის სასამართლომ 10 დღიანი პატიმრობა შეუფარდა. დაკავების მიზეზი 7 აგვისტოს ავიძბას მიერ რუსეთი-აფხაზეთის საზღვრის კვეთა გახდა. კერძოდ, რუსმა მესაზღვრეებმა ავიძბას საზღვრის გადაკვეთის უფლება არ მისცეს, რის გამოც მან მანქანით სასაზღვრო ბარიერი გაარღვია.

ავიძბას დიპლომატიური პასპორტი ჰქონდა, რაც მესაზღვრეებმა არ გაითვალისწინეს.

ახრა ავიძბა არის პოლიტიკოსი, რომელიც 2019 წლის ბოლოს - 2020 წლის დასაწყისში ქუჩის აქციებს ხელმძღვანელობდა, რომლებიც პრეზიდენტის გადაყენებით დასრულდა.