მისი თქმით, 4 ნოემბრის მდგომარეობით საქართველოს საჰაერო მიმოსვლა 2019 წლის ანალოგიურ მონაცემებთან შედარებით 3%-ითაა გაზრდილი. მისივე თქმით 2019 წელთან შედარებით, აფრენა-დაფრენების რაოდენობის ზრდა მხოლოდ ოთხ ქვეყანაში ფიქსირდება. მათ შორისაა ბოსნია და ჰერცოგოვინა, ალბანეთი, სომხეთი და საქართველო. 

"მივიღეთ ის შედეგი, რომლითაც ჩვენ ძალიან ვამაყობთ და ამასვე აღნიშნავენ საერთაშორისო ორგანიზაციები, როდესაც ყურადღებას საქართველოს წარმატებულ მაგალითზე ამახვილებენ“, - აღნიშნა მინისტრის მოადგილემ.

EUROCONTROL-ის მონაცემებით, ფრენების აღდგენის აღნიშნული დინამიკით, საქართველო უსწრებს 37 წევრ სახელმწიფოს, მათ შორის ესპანეთს, საფრანგეთს, იტალიას, გერმანიას, საბერძნეთს, თურქეთს და ა.შ.