ამის შესახებ გამოცემა Bloomberg წერს.

გამოცემის ცნობით, კონფლიქტის გამწვავების, ეკონომიკური სიდუხჭირის, ამინდის მკვეთრი გაუარესებისა და კორონავირუსის პანდემიის გამო, ასობით ათასი ადამიანი საკვების გარეშეა დარჩენილი. მსოფლიოში არასტაბილურობა იზრდება და 16 ქვეყანას გლობალური შიმშილი ემუქრება.

გაერო-ს ექსპერტების გაფრთხილებით, ამ დროისათვის ”ცხელ წერტილებად”  ბურკინა ფასო, ჩრდილო–აღმოსავლეთ ნიგერია, სამხრეთ სუდანი და იემენის რეგიონები სახელდება. გაერო-ს განცხადების თანახმად, თუ კონფლიქტი გამწვავდება და მომდევნო თვეებში ჰუმანიტარული წვდომა კიდევ უფრო შემცირდება, 16 ქვეყანაში გლობალური შიმშილობის რისკი კატასტროფულად გაიზრდება.