ბაიდენის თქმით, მას არ სურს რუსეთთან, ან სხვა ქვეყნებთან ვითარების გამწვავება, მაგრამ აშშ-ის შიდა საქმეებში ჩარევის შემთხვევაში, მის რეაქცია ძალიან მკაცრი იქნება. ბაიდენის განცხადებით, მისი გამარჯვების შემთხვევაში, იგი ყველა უფლებამოსილებას გამოიყენებს საპასუხო ზომების მისაღებად: გაასაჯაროებს კიბერთავდასხმისა და კორუფციის ფაქტებს და გაამკაცრებს სანქციების პოლიტიკას.

ამერიკული დაზვერვის ინფორმაციით, რუსეთი აშშ-ის პრეზიდენტის წინა არჩევნებში ჩაერია და გამორიცხული არ არის იგივე გაიმეორეს ახლაც.

საპრეზიდენტო არჩევნები აშშ-ში 2020 წლის ნოემბერში გაიმართება, სადაც ერთმანეთს რესპუბლიკელების კანდიდატი, მოქმედი პრეზიდენტი დონალდ ტრამპი და დემოკრატი ჯო ბაიდენი დაუპირისპირდებიან.