Gremmy-ს 21 გზის გამარჯვებულმა, დამოუკიდებლობის დღეს Tweeter-ზე თავისი გეგმებისა და განძრახვის შესახებ გაგვიმხილა: „ჩვენ უნდა განვახორციელოთ ამერიკის დაპირება. უფლის რწმენით, ჩვენი ხედვების გაერთიანებითა და მომავლის შენებით, მე კენჭს ვიყრი აშშ-ის პრეზიდენტად“ – დაწერა რეპერმა საკუთარ გვერდზე.

ჯერჯერობით უცნობია ოფიციალურად წამოაყენა თუ არა ქანიე უესტმა თავისი კანდიდატურა კარს მომდგარ არჩევნებზე, თუ ეს რეპერის მორიგი სპეკულაციაა, თუმცა ფაქტია, რომ მისი განცხადება საოცრად რეზონანსული აღმოჩნდა, ბევრმა მას მხარდაჭერაც კი გამოუცხადა.

„ჩემი სრული მხარდაჭერა გაქვს“ – ამ სიტყვებით გამოეხმაურა ბიზნესმენი და გამომგონებელი ილონ მასკი ქანიეს წამოწყებას და მას სრული ნდობა და მხარდაჭერა გამოუცხადა.

ქანიე უესტის პოსტს მისი მეუღლე კიმ კარდაშიანიც გამოეხმაურა, მან ქმრის პოსტი გააზიარა და ამერიკის დროშაც დაურთო აღწერაში, თუმცა სულ ეს გახლდათ.

https://regarder.ge/