რესტორნებში სტუმრებზე შეზღუდვები დაწესდება. მიზეზი კორონავირუსით ინფიცირების შემთხვევების მკვეთრი ზრდაა.

მთავრობის განცხადებაში აღნიშნულია, რომ რესტორნებისთვის დახურულ შენობაში 20 ადამიანის ყოფნაა დასაშვები, ღია სივრცეში კი - 30-ის.

დახურული იქნება საზოგადოებრივი აუზებიც. საზაფხულო ბანაკები კი მხოლოდ მე-4 კლასამდე ასაკის ბავშვებს მიიღებს. ავტობუსებში იკრძალება 20 მგზავრზე მეტის გადაყვანა, სახელმწიფო მოხელეთა 30 პროცენტი დისტანციურად, სახლიდან იმუშავებს.

შეზღუდვების ამოქმედებამდე ამ ზომებს ქნესეთმა უნდა დაუჭიროს მხარი.