"ეს ზეიმის საფუძველს იძლევა" - ჯანმო
ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა, რომ საჭიროა პრეპარატ დექსამეტაზონის წარმოების გაზრდა.
მისი თქმით, პრეპარატმა კოვიდინფიცირებული პაციენტების მკურნალობისას ეფექტურობა აჩვენა, რაც ზეიმის საფუძველს იძლევა.
„ბოლო პერიოდში ჩატარებული კვლევები აჩვნებს, რომ დექსამეტაზონს კორონავირუსით მძიმედ დაავადებული პაციენტების სიცოცხლის გადარჩენის პოტენციალი აქვს. ეს კი ზეიმის საფუძველს გვაძლევს. შემდეგი გამოწვევა ამ პრეპარატის წარმოების გაზრდა და შემდგომში მსოფლიოს მასშტაბით მისი თანაბარი განაწილებაა“, - განაცხადა ჯანდაცვის მსოფლიო ორგანიზაციის გენერალურმა დირექტორმა.
ტედროს ადჰანომ გებრეიესუსმა ასევე აღნიშნა, რომ დექსამეტაზონი ძვირადღირებული პრეპარატი არ არის და მისი უამრავი მწარმოებელი არსებობს მსოფლიოს მასშტაბით.
მისივე განცხადებით, სახელმწიფოებმა უნდა გამოიჩინონ კეთილგონიერება და პრეპარატის მარაგი, უპირველეს ყოვლისა, იმ ქვეყნებმა უნდა მიიღონ, სადაც ინფიცირებულთა რაოდენობა განსაკუთრებულად მაღალია.
გებრეიესუსმა ასევე აღნიშნა, რომ მწარმოებლებმა პრეპარატის მაღალი ხარისხი გარანტირებულად უნდა უზრუნველყონ, რადგან არსებობს დაბალი ხარისხის ან სულაც, ფალსიფიცრებული პრეპარატის ბაზარზე მოხვედრის რისკი.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა