„კორონავირუსში ეჭვმიტანილმა საქართველოს მოქალაქემ ზეწრები გადააბა და საავადმყოფოდან გაქცევა სცადა“- «Star»
თურქეთის პრესა ქალაქ ტრაპიზონში მომხდარ ამბავზე წერს, რომელიც 14 მაისს საქართველოს მოქალაქეს შეემთხვა.
„კორონავირუსში ეჭვმიტანილმა ზეწრები გადააბა და საავადმყოფოდან გაქცევა სცადა“, - ამ სათაურითაა გამოქვეყნებული მასალა გაზეთ „სთარ“-ში («Star»), რომლის მთავარი გმირი საქართველოს მოქალაქე გახლავთ. იგი რამდენიმე დღის განმავლობაში იყო მოთავსებული ტრაპიზონის საავადმყოფოში გამოკვლევის მიზნით, რადგან არსებობდა ეჭვი მისი „კოვიდ-19“-ით დასნებოვნებაზე.
მოქალაქემ საავადმყოფოდან გაქცევის საინტერესო გზა მონახა: მან თავის პალატაში, ერთმანეთს რამდენიმე ზეწარი გადააბა და მესამე სართულის ფანჯრიდან მიწისაკენ ჩაუშვა, თუმცა ზეწრის თოკი მოკლე აღმოჩნდა და მიწამდე ვერ მიწვდა. ასე რომ, იგი მეორე სართულზე „გაიჭედა“. ფანჯრის რაფაზე მდგარი პიროვნება გამვლელებმა დაინახეს და საავადმყოფოს დაცვის თანამშრომლებს აცნობეს. მათ მოქალაქე ფრთხილად „ჩამოხსნეს“ და კვლავ პალატაში მიაბრძანეს, მაგრამ უკვე გაძლიერებული ყურადღების ქვეშ.
როგორც გაირკვა, საქართველოს მოქალაქე წარსულში ნარკოდამოკიდებული იყო და გარკვეული ფსიქოლოგიური პრობლემებიც ჰქონდა.
მოამზადა სიმონ კილაძემ
წყარო:
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"