„იმედი მაქვს, რომ მომავალში, იმ სოლიდარობის სულისკვეთების გათვალისწინებით, რომელიც ჩვენ გამოვიჩინეთ, კონგრესი და აშშ-ის მედია უკეთესად გაიაზრებს ჩვენი ურთიერთობების სტრატეგიულ მნიშვნელობას“,-წერია ერდოღანის მიერ გაგზავნილ წერილში.

თურქეთის ლიდერი, ასევე იმედს გამოთქვამს, რომ ქვეყნები განაგრძობენ „ერთობლივ ბრძოლას საერთო პრობლემების წინაშე“.

ცნობისთვის, რამდენიმე თვის წინ, ურთიერთობა აშშ-სა და თურქეთს შორის არაერთხელ დაიძაბა. გაურკვევლობა სირიის საკითხს უკავშირდებოდა. კერძოდ, თურქეთი სეპარატისტული საფრთხის გამო, მისი სასაზღვრე ტერიტორიის ქურთი მებრძოლებისგან გაწმენდას ცდილობდა. აღსანიშნავია, რომ აღნიშნული ძალები, აშშ-ის ერთ-ერთ მთავარ მოკავშირეს წარმოადგენდა რეგიონში. ამასთან, დაძაბულობას იწვევდა თურქეთის მიერ რუსული შეირაღების შეძენაც.