ავღანეთში „თალიბანის“ 51 მებრძოლი მოკლეს
ავღანეთის სამთავრობო ძალებმა „თალიბების“ წინააღმდეგ სახმელეთო და საჰაერო თავდასხმები განახორციელეს, რასაც ბოლო 24 საათის განმავლობაში დაჯგუფება „თალიბანის“ 51 მებრძოლის სიცოცხლე შეეწირა, - ამის შესახებ ინფორმაციას „როიტერსი“ ავღანეთის თავდაცვის სამინისტროზე დაყრდნობით ავრცელებს.
მათივე ინფორმაციით, სამთავრობო ძალებმა კვირას 13 სახმელეთო და 12 ავიაიერიში განახორციელეს, რის შედეგადაც მოკლულია 51, დაჭრილია 13 და დაპატიმრებულია 6 „ტერორისტი“. პროვინცია ბალხის ადგილობრივი ხელისუფლება აცხადებს, რომ ავიაიერიშების შედეგად, დაღუპულია სამი ქალი და ოთხი ბავშვი, რასაც გუბერნატორის ოფისთან საპროტესტო აქცია მოჰყვა. ავღანეთის ხელისუფლება ირწმუნება, რომ მშვიდობიან მოსახლეობაში მსხვერპლის შესახებ გავრცელებული ინფორმაციის გადასამოწმებლად პროვინციაში საგამოძიებო კომისიას გააგზავნის.
განსხვავებულ ინფორმაციას ავრცელებს ორგანიზაცია „თალიბანი“. მათი მტკიცებით, ბოლო ორი დღის განმავლობაში ავღანურ სამთავრობო ძალებზე ორი თავდასხმა განახორციელეს, რის შედეგადაც ქუნდუზისა და ბალხის პროვინციებში სამთავრობო ძალების 18 წევრი დაიღუპა, რამდენიმე კი - დაიჭრა.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა