გამოსამშვიდობებელი ცერემონია 20 მარტს, წმინდა მიქაელის ოქროსგუმბათოვან ტაძარში დაიწყო, 21 მარტს მემორიალური საღმრთო ლიტურგიით გაგრძელდა, რასაც პანაშვიდი მოჰყვა. 22 მარტს კი პატრიარქი წმინდა ვოლოდიმირის ტაძარში დაკრძალეს, იქ, სადაც პატრიარქმა თავად მოითხოვა.

ფილარეტი ეპისკოპოსად ექვს ათწლეულზე მეტი ხნის განმავლობაში მსახურობდა. დაკრძალვის ცერემონიას წმინდა ვოლოდიმირის ტაძარში, დაახლოებით, 3000-მდე ადამიანი დაესწრო.

პარალელურად, კიევის საპატრიარქომ უკრაინის მართლმადიდებელი ეკლესიის ახალი პატრიარქი, მთავარეპისკოპოსი ნიკოდიმი აირჩია.

,,კიევისა და სრულიად რუსეთ-უკრაინის პატრიარქის, უკრაინის მართლმადიდებელი ეკლესიის – კიევის საპატრიარქოს წინამძღვრის არჩევის აქტი გამოცხადდა უკრაინის მართლმადიდებელი ეკლესიის – კიევის საპატრიარქოს წმინდა სინოდის რიგგარეშე სხდომაზე“, – ნათქვამია გავრცელებულ განცხადებაში.

აღსანიშნავია, რომ ეს არჩევა ეხება მხოლოდ კიევის საპატრიარქოს, რომელიც, მედიის თანახმად, მართლმადიდებელ სამყაროში ფართოდ აღიარებული არ არის.

უკრაინის ოფიციალურ მართლმადიდებელ ეკლესიას ამ ეტაპზე კვლავ მიტროპოლიტი ეპიფანე ხელმძღვანელობს.