„ირანი არ ახორციელებს დარტყმებს მეზობელ ქვეყნებზე. აღნიშნული ინციდენტი საჭიროებს საფუძვლიან გამოძიებას“, – განაცხადა დიპლომატმა ინტერვიუში, რომელიც ტელეგრამის არხებზე ვრცელდება.

მედიის ინფორმაციით, მან აღნიშნა, რომ ისლამური რესპუბლიკის თავდაცვის სტრატეგია არჩევით ხასიათს ატარებს.

მისი თქმით, ირანის შესაძლო დარტყმების სამიზნე შეიძლება იყვნენ მხოლოდ ის სახელმწიფოები, რომლებიც საკუთარ ტერიტორიას აშშ-სა და მის მოკავშირეებს ირანის წინააღმდეგ სამხედრო ბაზების განსათავსებლად უთმობენ.