ისრაელის იერიში ბეირუთზე – ლიკვიდირებულია ,,ჰეზბოლას” მეთაური
ისრაელის ავიაციამ ბეირუთის სამხრეთ გარეუბანში, ჰარეთ ჰრეიკის რაიონში, მიზანმიმართული დარტყმა განახორციელა, რის შედეგადაც ლიკვიდირებულია „ჰეზბოლას“ ერთ-ერთი მაღალი რანგის სამხედრო ლიდერი,- ინფორმაციას ამის შესახებ სააგენტო Reuters-ი ავრცელებს.
ისრაელის თავდაცვის ძალების ცნობით, იერიში მიმართული იყო ორგანიზაციის საინჟინრო და ოპერატიული სტრუქტურების პასუხისმგებელ პირებზე.
“ჰეზბოლამ” ოფიციალურად დაადასტურა მაღალი რანგის მეთაურის სიკვდილი, თუმცა დეტალები არ დაუკონკრეტებია.
ლიბანის ჯანდაცვის სამინისტროს ინფორმაციით, თავდასხმას სულ მცირე ხუთი ადამიანი ემსხვერპლა და რამდენიმე ათეული დაიჭრა. დარტყმამ საცხოვრებელი შენობების დაზიანებაც გამოიწვია.
როგორც მედია წერს, ოპერაცია გახდა პირველი მსხვილი დარტყმა ბეირუთზე ბოლო რამდენიმე თვის განმავლობაში.
გავრცელებული ცნობებით, ბოლო კვირებში “ჰეზბოლამ” სირიიდან ლიბანში ასობით რაკეტა შეიტანა, ისრაელთან ბრძოლისას დაზიანებული რაკეტის გამშვები ობიექტები აღადგინა და ათასობით ახალი წევრი მიიღო.
სიახლეები
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
- საქართველოს საგარეო საქმეთა სამინისტრო, ლაშა დარსალიასა და აშშ-ის სახელმწიფო მდივნის თანაშემწეს შორის გამართული შეხვედრის შესახებ ინფორმაციას ავრცელებს
- ,,ოთხი თვე გავიდა საქართველოს პრეზიდენტის სასახლეზე განხორციელებული ძალადობრივი შტურმიდან"- შალვა პაპუაშვილი
- დაკავებულია „ქურდულ სამყაროსთან” კავშირში მყოფი 45 პირი
- მეცნიერებმა კიბოს ყველაზე აგრესიული ტიპის კვლევაში მნიშვნელოვანი შედეგები მიიღეს