მიწისძვრის შედეგად, სულ მცირე სამი ადამიანი დაიღუპა და რამდენიმე დაშავდა. შენობები დაზიანდა მრავალ რაიონში, მათ შორის მჭიდროდ დასახლებულ დედაქალაქ დაკაში.

აშშ-ის გეოლოგიური სამსახურის (USGS) ცნობით, 5.5 მაგნიტუდის მიწისძვრა დილის 10:38 საათზე ნარსინგდის ქალაქთან ახლოს, დაკადან დაახლოებით 33 კილომეტრში მოხდა.

მედიის ცნობით, ბიძგები, ასევე, იგრძნობოდა მეზობელი ინდოეთის აღმოსავლეთ შტატებში, რომლებიც ბანგლადეშს ესაზღვრებიან.