მისივე თქმით, გემს, სავარაუდოდ, უკანონო ნარკოტიკები გადაჰქონდა.

როგორც მედია აღნიშნავს, ეს იყო პირველი ცნობილი ოპერაცია მას შემდეგ, რაც მისმა ადმინისტრაციამ სამხრეთ კარიბის ზღვის აუზში სამხედრო გემები განალაგა.

„დარტყმის შედეგად 11 ადამიანი დაიღუპა. აშშ-ის ძალები არ დაშავებულან. აშშ-ის სამხედროებმა ეკიპაჟი ვენესუელური ბანდის, „ტრენ დე არაგუას“ წევრებად ამოიცნეს, რომელიც აშშ-მა თებერვალში ტერორისტულ დაჯგუფებად გამოაცხადა“, – განაცხადა ტრამპმა.

პენტაგონმა თავდასხმის შესახებ კონკრეტული ინფორმაცია არ გაავრცელა, მათ შორის, რა სახის ნარკოტიკები იყო ბორტზე, რა რაოდენობით ან როგორ განხორციელდა დარტყმა.