ურსულა ფონ დერ ლაიენის თვითმფრინავს ბულგარეთში დაშვებისას GPS გაუფუჭდა — ბრიუსელი რუსეთის ჩარევას არ გამორიცხავენ
ბულგარეთში დაშვების მცდელობისას, ევროკომისიის პრეზიდენტის, ურსულა ფონ დერ ლაიენის თვითმფრინავს GPS ნავიგაცია გაუფუჭდა, – ამის შესახებ, CNN-ს კომისიის წარმომადგენელმა განუცხადა.
„კომისიამ ბულგარეთის ხელისუფლებისგან მიიღო ინფორმაცია, რომ ისინი ეჭვობენ, რომ ეს აშკარა ჩარევა რუსეთმა განახორციელა.
GPS-ის სიგნალის ჩახშობის მიუხედავად, თვითმფრინავი ბულგარეთში უსაფრთხოდ დაეშვა. ჩვენ, რა თქმა უნდა, ვაცნობიერებთ და შევეჩვიეთ მუქარასა და დაშინებას, რაც რუსეთის მტრული ქცევის რეგულარული კომპონენტია“, – განაცხადა ევროკომისიის პრესსპიკერის მოადგილემ, არიანა პოდესტამ.
CNN-ს ინფორმაციით, პილოტებმა სადესანტოდ ქაღალდის რუკები გამოიყენეს.
კრემლის პრესმდივანმა განაცხადა, რომ გავრცელებული ინფორმაცია სიმართლეს არ შეესაბამება.
როგორც მედია წერს, ინციდენტი მაშინ მოხდა, როდესაც პრეზიდენტი ბულგარეთის სამხრეთით, პლოვდივის საერთაშორისო აეროპორტში დაშვებას აპირებდა, რაც ბლოკის აღმოსავლეთ ნაწილში მდებარე წევრ ქვეყნებში მისი ტურნეს ნაწილი იყო, რათა უკრაინის მხარდაჭერა მოეპოვებინა.
სიახლეები
- ქუთაისში, პარლამენტის ყოფილი შენობის მიმდებარედ თანამედროვე მრავალფუნქციური პარკი მოეწყობა
- “ასეთ რა ჰონორარებს იღებს მისი ოჯახი; ასეთი ჩარიცხვები ხშირად ემთხვევა რადიკალური ოპოზიციის მიერ დაანონსებულ ე.წ. მშვიდობიან დამხობებს” - კახიანი ელენე ხოშტარიაზე
- “შემიძლია, პაატა ბურჭულაძეს სანაძლეო დავუდო – 4 ოქტომბერს, 20:00 საათზე ხელისუფლება ბურჭულაძეს თუ არ გადაეცა, მაშინ მან „ღვინოვ კახურო“ იმღეროს” - გურამ მაჭარაშვილი
- “2012 წლის შემდეგ, ახალი საცხოვრებელი, დაახლოებით, 39 000-მა დევნილმა ოჯახმა მიიღო, ამ მიმართულებით გამოყოფილი ბიუჯეტი 25 მლნ ლარიდან 240 მლნ ლარამდეა გაზრდილი” - ირაკლი კობახიძე
- ქუთაისში ნარკოტესტზე გადაყვანილმა მოქალაქეებმა ექიმები და პოლიციელები სცემეს