მანამდე, გამოცემა „იერუსალიმ პოსტმა“ გაავრცელა ინფორმაცია, რომ ისრაელის თავდაცვის ძალებმა (IDF) ღაზას ქალაქზე შეტევა დაიწყეს და მის გარეუბნებს აკონტროლებენ.

„[ისრაელის] ტერორისტული არმიის მიერ ღაზას ქალაქისა და მისი დაახლოებით ერთი მილიონი მაცხოვრებლისა და იძულებით გადაადგილებული პირის წინააღმდეგ ოპერაციის დაწყების შესახებ განცხადება და ომის დამნაშავე [ისრაელის პრემიერ-მინისტრის] ნეთანიაჰუს განზრახვა, ხვალ დაამტკიცოს ეს, წარმოადგენს… შუამავლების მიერ აგრესიის დასრულებისა და პატიმრების გაცვლის შესახებ შეთანხმების მისაღწევად გაწეული ძალისხმევის უგულებელყოფას“, – ნათქვამია „ჰამასის“ განცხადებაში.

ოთხშაბათს, 20 აგვისტოს ისრაელის სახელმწიფო მაუწყებელმა „კანმა“ გაავრცელა ინფორმაცია, რომ თავდაცვის მინისტრმა ისრაელ კაცმა ღაზას ქალაქის აღების ოპერაცია დაამტკიცა. მაუწყებლის ცნობით, გეგმა ხუთშაბათს, 21 აგვისტოს პოლიტიკურ ხელმძღვანელობას და კაბინეტს დასამტკიცებლად წარედგინება. ისრაელის თავდაცვის ძალებმა (IDF) ღაზას აღების ოპერაციისთვის მოსამზადებლად დაახლოებით 60 000 რეზერვისტი გააგზავნეს. ისრაელის არმიის რადიო „გალეი ცაჰალის“ ცნობით, ოპერაცია 2026 წლამდე გაგრძელდება და მანევრების პიკში 130 000-მდე რეზერვისტი იქნება ჩართული.