„37,004,817,625,842.56 დოლარი“ – აღნიშნულია აშშ-ის ვალის ცხრილში, რომელიც 11 აგვისტოს მდგომარეობით არსებულ ვითარებას ასახავს.

როგორც ცნობილია, სამ დღეში ის 6 მილიარდი დოლარით გაიზარდა.

ადრე, ფინანსთა მინისტრმა, სკოტ ბესენტმა განაცხადა, რომ აშშ-ს შესაძლოა ზაფხულის მეორე ნახევარში სახელმწიფო ვალის დეფოლტი შეექმნას. მან ასევე თქვა, რომ მთავრობა არასდროს გამოაცხადებს დეფოლტს და არ გამოიყენებს „ხრიკებს“ ვალის ლიმიტის გვერდის ავლის მიზნით.

საერთაშორისო სავალუტო ფონდმა (IMF) აშშ-ის სახელმწიფო ვალი გლობალური ეკონომიკისთვის უდიდეს საფრთხედ მოიხსენია. წინასწარი პროგნოზებით, 2032 წლისთვის სახელმწიფო ვალმა შესაძლოა ქვეყნის მშპ-ს 140 პროცენტს გადააჭარბოს.