ზოოპარკის ადმინისტრაციის განცხადებით, მათი მიზანია მტაცებლების, მათ შორის ლომებისა და ფოცხვერების, რაც შეიძლება ბუნებრივად გამოკვება, რაც ბუნებრივ ნადირობასთან მაქსიმალურად მიახლოებულ გარემოს უზრუნველყოფს.

ინსტაგრამზე გამოქვეყნებულ პოსტში ზოოპარკი განმარტავს, რომ მას „პასუხისმგებლობა აქვს, მიჰბაძოს ცხოველების ბუნებრივ კვებით ჯაჭვს“ და რომ მცირე ზომის შინაური ცხოველები „ჩვენი მტაცებლების რაციონის მნიშვნელოვან ნაწილს შეადგენენ“.

ზოოპარკი ასევე აღნიშნავს, რომ იღებს მხოლოდ იმ ცხოველებს, რომლებსაც პატრონები თავად მიიყვანენ და რომელთა მდგომარეობაც ვეტერინარული შემოწმების შემდეგ იქნება დადასტურებული.

მედიის ცნობით, ინიციატივამ სოციალურ მედიასა და ცხოველთა უფლებადამცველ ჯგუფებში ძლიერი უკმაყოფილება და მწვავე დებატები გამოიწვია. ბევრი მიიჩნევს, რომ შინაური ცხოველების ამ გზით გაწირვა არაეთიკურია, მაშინ როდესაც ზოოპარკის წარმომადგენლები ამტკიცებენ, რომ ეს პრაქტიკა ბუნებრივი ეკოსისტემის იმიტაციას ემსახურება და სხვა ევროპულ ქვეყნებშიც გამოიყენება.

როგორც “ბიბისი” წერს, დანიაში მსგავსი ნაბიჯები სამართლებრივად დასაშვებია, თუმცა საჭიროებს მკაცრი სტანდარტების დაცვას ცხოველთა კეთილდღეობის კუთხით. ზოოპარკმა აღნიშნა, რომ პროგრამა მთლიანად ნებაყოფლობითია და არანაირ იძულებას არ გულისხმობს.