მისი თქმით, ამ დროის განმავლობაში რუსეთის არმიამ გამოიყენა 1800-ზე მეტი დრონი, 1200-ზე მეტი მართვადი ბომბი და სხვადასხვა ტიპის 83 რაკეტა.

„რუსეთი აძლიერებს ტერორს ჩვენი ქალაქებისა და სოფლების წინააღმდეგ, ცდილობს სულ უფრო მეტად დააშინოს ხალხი“, - აღნიშნა ზელენსკიმ.

თავდასხმების ინტენსივობის მიუხედავად, უკრაინის საჰაერო თავდაცვის ძალებმა მაღალეფექტიანობა აჩვენეს. ზელენსკიმ განსაკუთრებით ხაზი გაუსვა გადამტაცი დრონების წარმატებულ მოქმედებას, რის დახმარებითაც მხოლოდ ამ კვირაში ჩამოაგდეს ასობით რუსული დრონი.

როგორც ზელენსკიმ თქვა, თვითმკვლელი დრონების გამოყენება
ერთ-ერთი იარაღია, რომლითაც რუსეთი ომის გახანგრძლივებას ცდილობს.

მისი აზრით, ამ საფრთხის ნეიტრალიზება აუცილებელი პირობაა შეიარაღებული კონფლიქტის დასრულების დიპლომატიური ძალისხმევის გასაძლიერებლად.