„წინასწარი მონაცემებით, ზაპოროჟიეში მტრის უპილოტო საფრენი აპარატების თავდასხმის შედეგად, სულ მცირე, ათი ადამიანი დაშავდა. თავდასხმა გრძელდება, დარჩით უსაფრთხო ადგილებში!“, – აღნიშნა ფიოდოროვმა.

მან ასევე თავდასხმის შედეგად მიყენებული ზარალის შესახებ განაცხადა.

„მტერმა ზაპოროჟიეზე ექვსი თავდასხმა განახორციელა. დაზიანდა საცხოვრებელი შენობები, უნივერსიტეტის შენობა და რეგიონულ ცენტრში არსებული საწარმოები“, – განაცხადა ფიოდოროვმა.

საპატრულო პოლიციამ ასევე განაცხადა, რომ დრონებით თავდასხმების შედეგად საგზაო მოძრაობა შეზღუდულია.