“ისრაელი თანახმაა ღაზაში 60-დღიანი ზავის პირობებზე” - ტრამპი
ამერიკის შეერთებული შტატების პრეზიდენტ დონალდ ტრამპის განცხადებით, ისრაელი თანახმაა ღაზის სექტორში ორთვიანი ზავის პირობებზე.
პრეზიდენტის ამ განცხადებამდე ამერიკული მედია იუწყებოდა, რომ ვაშინგტონში მოლაპარაკებებისთვის ჩავიდა ისრაელის სტრატეგიული დაგეგმარების მინისტრი რონ დერმერი.
დონალდ ტრამპმა თავის სოციალურ ქსელ Truth-ში 2 ივლისს დაწერა, რომ მისმა წარმომადგენლებმა ისრაელის წარმომადგენლებთან ღაზის შესახებ ხანგრძლივი და პროდუქტიული შეხვედრა გამართეს და ისრაელი დასთანხმდა 60-დღიანი ცეცხლის შეწყვეტისთვის აუცილებელ პირობებს. აშშ-ის პრეზიდენტის თანახმად, ზავის განმავლობაში იმუშავებენ ყველა მხარესთან, რათა ომი დასრულდეს.
ტრამპის განცხადებით, კატარის და ეგვიპტის წარმომადგენლები, რომლებიც მშვიდობის დასამყარებლად ძალიან გულმოდგინედ მუშაობდნენ, წინადადებებს ჰამასს გადასცემენ და იმედია, ის ახლო აღმოსავლეთის სასიკეთოდ ამ შეთანხმებას მიიღებს, რადგან წინააღმდეგ შემთხვევაში მხოლოდ უარესი იქნება.
თავად ისრაელს და ჰამასს ჯერჯერობით არაფერი განუცხადებიათ.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა