სოციალურ პლატფორმა X-ზე გამოქვეყნებულ პოსტში მასკმა, მადლობა გადაუხადა აშშ-ის პრეზიდენტს DOGE-ის ხელმძღვანელობის შესაძლებლობისთვის, ინიციატივისთვის, რომელიც ტრამპმა თანამდებობაზე დანიშვნის პირველივე დღეს აღმასრულებელი ბრძანებით დაამტკიცა.

„რადგან ჩემი, როგორც სპეციალური სამთავრობო თანამშრომლის სამუშაო დრო იწურება, მინდა მადლობა გადავუხადო პრეზიდენტ დონალდ ტრამპს უსარგებლო ხარჯების შემცირების შესაძლებლობისთვის. DOGE-ის მისია დროთა განმავლობაში მხოლოდ გაძლიერდება, რადგან ის მთელი მთავრობის ცხოვრების წესად იქცევა“, – დაწერა მასკმა.

თეთრი სახლის ოფიციალურმა პირმა ინფორმაცია დაადასტურა და განაცხადა, რომ მასკის გათავისუფლება დაუყოვნებლივ დაიწყება.