ტრამპი-პუტინის საუბრის შემდეგ რუსეთმა ისევ დაარტყა უკრაინის ენერგოობიექტებსაც
რუსეთის ჯარებმა რაკეტებით და უპილოტო საფრენი აპარატებით მორიგი იერიში მიიტანეს უკრაინის რეგიონებზე. დაზიანებულია სახლები და რკინიგზის ინფრასტრუქტურა. არიან დაშავებულები.
კიევის ოლქის პოლიციის მიერ დღეს, 19 მარტს, დილით გამოქვეყნებული მონაცემებით, ბუჩის და ბორისპოლის რაიონებში დაზიანებულია 36 სახლი და დანგრეულია სხვა ორი შენობა. დაშავდა ორი ადამიანი.
ადგილობრივი ხელისუფლების წარმომადგენელთა ცნობით, სუმის ოლქში რუსულმა დრონებმა დააზიანეს ორი საავადმყოფო, ხოლო დნეპროპეტროვსკის ოლქში - სახლები და სხვა შენობები.
უკრაინის რკინიგზის ინფორმაციით, დნეპროპეტროვსკის ოლქში რუსული უპილოტო საფრენი აპარატებით ორი დარტყმა იყო რკინიგზის ენერგოსისტემაზე. მსხვერპლი არ არის.
18 მარტს, აშშ-ის და რუსეთის პრეზიდენტების, დონალდ ტრამპის და ვლადიმირ პუტინის სატელეფონო საუბრის შემდეგ, თეთრმა სახლმა განაცხადა, რომ მხარეთა შეთანხმებით, სამშვიდობო ძალისხმევა დაიწყება ენერგეტიკისა და ინფრასტრუქტურის ობიექტებზე დარტყმების შეწყვეტით და გაიმართება ტექნიკური მოლაპარაკებები ცეცხლის შეწყვეტაზე შავ ზღვაში, ასევე, ცეცხლის სრულად შეწყვეტასა და სრულ მშვიდობაზე.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა