გადაწყვეტილება მას შემდეგ მიიღეს, რაც კოლუმბია დათანხმდა, შეზღუდვებისა და დაყოვნების გარეშე მიიღოს ამერიკული სამხედრო თვითმფრინავები, რომლებშიც აშშ-დან დეპორტირებული მიგრანტები იმყოფებიან.

კოლუმბიის პრეზიდენტის, გუსტავო პეტროს განცხადებით, სანაცვლოდ აშშ დეპორტირებულ მოქალაქეებთან ღირსეულად მოპყრობას დათანხმდა.

ცნობისთვის, მანამდე, აშშ-ის პრეზიდენტმა, დონალდ ტრამპმა კოლუმბიას სავიზო და სატარიფო შეზღუდვები დაუწესა. ტრამპმა ეს გადაწყვეტილება მას შემდეგ მიიღო, რაც 26 იანვარს კოლუმბიამ უარი თქვა ორი ამერიკული სამხედრო თვითმფრინავის მიღებაზე, რომლებშიც აშშ-დან დეპორტირებული მიგრანტები იმყოფებოდნენ.