„ღრმა მწუხარებით ვაცხადებთ ადამიანისა და მხატვრის, დევიდ ლინჩის გარდაცვალების შესახებ… მსოფლიოში ახლა დიდი ხვრელი გაჩნდა, როდესაც ის ჩვენთან აღარ არის“, – ნათქვამია ოჯახის განცხადებაში.

გამოცემა Variety-ის ცნობით, 2024 წელს კინორეჟისორს ფილტვის ემფიზემის დიაგნოზი დაუსვეს.

დევიდ ლინჩი ცნობილი იყო მის მიერ გადაღებული სხვადასხვა ფილმით, როგორიცაა Blue Velvet, Twin Peaks, Mulholland Drive, The Elephant Man.

დევიდ ლინჩი იყო კანის ფესტივალის „ოქროს პალმის რტოს“, ფრანგული „ცეზარის“, ვენეციის ფესტივალის „ოქროს ლომის“ მფლობელი.

ლინჩმა რადიკალურად შეცვალა ამერიკული კინო თავისი სიურეალისტური მხატვრული ხედვით.