ფლორიდის გუბერნატორ რონ დესანტისის თქმით, ერთი ადამიანი დაიღუპა იმ მიზეზით, რომ მის მანქანას საგზაო ნიშანი დაეცა. კიდევ ორი ადამიანი ჯორჯიის შტატში ტორნადოს ემსხვერპლა, რომელიც ქარიშხალმა განაპირობა.

1,5 მილიონზე მეტი ადამიანი ელექტროენერგიის გარეშეა დარჩენილი ფლორიდაში, ჯორჯიასა და კაროლინაში.

აშშ-ის ოფიციალური პირები არ გამორიცხავენ, რომ მსხვერპლის რაოდენობა, შესაძლოა, გაიზარდოს. ქარიშხალი ამერიკის სანაპიროს წუხელ მიუახლოვდა. მას მეოთხე კატეგორიის ინტენსივობა მიენიჭა.