აშშ-ის ყოფილმა პრეზიდენტმა, დონალდ ტრამპმა გოლფკლუბში მომხდარი ინციდენტის შემდეგ კომენტარი  გააკეთა.

„ჩემს სიახლოვეს იყო სროლები, მაგრამ ვიდრე ჭორები უკონტროლოდ გავრცელდება, მინდა, გითხრათ: უსაფრთხოდ და კარგად ვარ! მე არასოდეს დავნებდები! დიდი მადლობა მხარდაჭერისთვის!“ – წერს დონალდ ტრამპი.

მედიის ცნობით, ტრამპის გოლფკლუბში მომხდარ ინციდენტთან დაკავშირებით ერთი პირია დაკავებული. ოფიციალური პირები მიიჩნევენ, რომ შეიარაღებული პირის სამიზნე ყოფილი პრეზიდენტი იყო.