უკრაინის საგანგებო სიტუაციების სამსახურის მიერ დღეს, 18 აპრილს დილით გამოქვეყნებული, განახლებული მონაცემებით, დაღუპულია 18 და დაშავებულია 77 ადამიანი. 17 აპრილს დადასტურებული იყო 17 ადამიანის სიკვდილი და 60-ის დაშავება.

საგანგებო სიტუაციების სამსახურის თანახმად, მაშველებმა ნანგრევებში მოყოლილი 3 ადამიანი გადაარჩინეს. სარაკეტო დარტყმის რაიონიდან გატანილია 1580 ტონა სამშენებლო ნარჩენები.

ადგილობრივი ხელისუფლების ინფორმაციით, 17 აპრილს რუსეთის საოკუპაციო ძალების სარაკეტო დარტყმების შედეგად დაინგრა რვასართულიანი შენობა და დაზიანდა ოთხი მრავალსართულიანი სახლი, საავადმყოფო და სასწავლო დაწესებულება.

უკრაინის პრეზიდენტმა ვოლოდიმირ ზელენსკიმ განაცხადა, რომ სარაკეტო თავდასხმის მოგერიება შეუძლებელი იყო, რადგან უკრაინას არ აქვს საკმარისი რაოდენობის საჰაერო თავდაცვის საშუალებები. უკრაინა ამ სისტემების და სხვა იარაღის ნაკლებობას განიცდის დასავლელი მოკავშირეების, განსაკუთრებით აშშ-სგან მიწოდების შემცირების გამო.