ამ მოვლენების გამო ისრაელის პრემიერ-მინისტრი ბენიამინ ნეთანიაჰუ მზარდი ზეწოლის ქვეშაა. ისრაელის საზოგადოების წინაშე იგი აცხადებს, რომ ღაზაში ომის გაგრძელება წარმოადგენს ერთადერთ გზას მძევლების დასაბრუნებლად და უარყოფს აშშ-ის ხედვას ვითარების ომისშემდგომი გადაწყვეტის თაობაზე.

ევროკავშირის საგარეო-პოლიტიკურმა ლიდერმა ჟოზეპ ბორელმა 22 იანვარს გაიმეორა მანამდე გაეროს მიერ გამოთქმული კრიტიკა ისრაელის პრემიერ-მინისტრის "მიუღებელი" პოზიციის მიმართ, რომლითაც ნეთანიაჰუ უარყოფს პალესტინის სახელმწიფოს დაარსების იდეას.