ინფორმაციას ამის შესახებ ფრანგული გამოცემა AFP ავრცელებს, სადაც ჟურნალისტი მუშაობდა.

განცხადების თანახმად, სოლდინი უკრაინის დროით დაახლოებით 16:30 საათზე “გრადის” ტიპის სისტემებიდან ქალაქ ჩასოვ იარის შემოგარენის დაბომბვის შედეგად დაიღუპა, სადაც მდებარეობს ე.წ. სიცოცხლის გზა ბახმუტისკენ, რომლის მეშვეობითაც ხდება უკრაინელი სამხედროების მომარაგება და რომელიც ხშირად ხდება რუსეთის მხრიდან დაბომბვების სამიზნე.

სოლდინი ოთხი კოლეგის კომპანიაში იყო, რომლებიც არ დაშავებულან, დაბომბვის დროს ისინი უკრაინელ სამხედროებთან ერთად იმყოფებოდნენ.

საერთაშორისო ორგანიზაცია “რეპორტიორები საზღვრების გარეშე” ინფორმაციით, სოლდინი მედიის როგორც მინიმუმ მე-11 თანამშრომელია, რომელიც უკრაინაში 2022 წლის 24 თებერვალს რუსეთის შეჭრის შემდეგ გარდაიცვალა.