დიდი ბრიტანეთის თავდაცვის სამინისტროს დაზვერვის განახლებაში ნათქვამია, რომ რუსეთი პასპორტებს უკრაინის ოკუპირებული ნაწილების „რუსიფიკაციის“ იარაღად იყენებს.

ბრიტანული დაზვერვის ცნობით, ხერსონში მცხოვრებნი გააფრთხილეს, რომ ისინი, ვინც 2023 წლის 1-ელ ივნისამდე არ მიიღებდნენ რუსულ პასპორტს „დეპორტირებული“ იქნებიან და მათ ქონებას ჩამოართმევენ.

„რუსეთი სავარაუდოდ დააჩქარებს უკრაინის ოკუპირებული ტერიტორიების რუსეთის ფედერაციის ბიუროკრატიაში ინტეგრაციას, რათა შემოჭრა წარმატებულად წარმოაჩინოს, განსაკუთრებით 2024 წლის საპრეზიდენტო არჩევნების წინ“, - ნათქვამია ბრიტანეთის თავდაცვის სამინისტროს განცხადებაში.