ამ დრომდე დაკარგულად ითვლება 31 ადამიანი. 7 ათასზე მეტი უსახლკაროდ დარჩა.

21 ნოემბერს მომხდარი 5.6 მაგნიტუდის მიწისძვრის ეპიცენტრი ინდონეზიის დედაქალაქ ჯაკარტიდან დაახლოებით 75 კილომეტრში, დასავლეთ იავის პროვინციის ქალაქ ჩიანჯურში მდებარეობდა. ეპიცენტრში დანგრეული ან დაზიანებულია 700-ზე მეტი შენობა, მათ შორის საცხოვრებელი სახლები, სკოლები და სამედიცინო დაწესებულებები. დაღუპულთა შორის ბევრი ბავშვია, რადგან მიწისძვრის დროს სკოლებში სასწავლო პროცესი მიმდინარეობდა.