"არ დავუშვებთ, უამრავი ადამიანი შიმშილით ან სიცივით დაიღუპოს ზამთრის თვეებში რუსეთის პრეზიდენტის სასტიკი ტაქტიკის გამო"- ანალენა ბერბოკი
"დიდი შვიდეულის“ პარტნიორები ახლა ერთად დაიწყებენ უკრაინისთვის ზამთრის დახმარების აღმოჩენას, - ამის შესახებ გერმანიის საგარეო საქმეთა მინისტრმა, ანალენა ბერბოკმა გერმანიის ქალაქ მიუნსტერში, "დიდი შვიდეულის“ საგარეო საქმეთა მინისტრების შეხვედრაზე განაცხადა.
„ჩვენ არ დავუშვებთ, უამრავი ადამიანი - მოხუცები, ბავშვები, მოზარდები, ოჯახები - შიმშილით ან სიცივით დაიღუპოს მომავალი ზამთრის თვეებში რუსეთის პრეზიდენტის სასტიკი ტაქტიკის გამო“, - აღნიშნა ბერბოკმა.
მისი თქმით, უკრაინის ელექტრო ქსელის 30%-ზე მეტი, სავარაუდოდ 40%, განადგურდა.
”ეს არ ნიშნავს მხოლოდ იმას, რომ არ არის შუქი სკოლებში, საავადმყოფოებში, არამედ იმასაც, რომ ელექტროენერგიით მომუშავე წყლის ქარხნებს არ შეუძლიათ წყლის ამოტუმბვა”, - აღნიშნა გერმანიის საგარეო უწყების ხელმძღვანელმა და დასძინა, რომ გერმანიამ 100-ზე მეტი გენერატორი გაგზავნა უკრაინაში ქსელის სტაბილიზაციისთვის და სხვა დახმარების გაგზავნასაც გეგმავს.
ცნობისათვის, “დიდი შვიდეულის“ საგარეო საქმეთა მინისტრები გერმანიის ქალაქ მიუნსტერში იმ მიზნით შეიკრიბნენ, რომ განეხილათ, როგორ დაეხმარონ უკრაინას ზამთარში მის ელექტრო ქსელზე რუსეთის თავდასხმების ფონზე. საგარეო საქმეთა მინისტრებმა ჩინეთსა და ირანთან დაკავშირებულ საკითხებზეც იმსჯელეს.
სიახლეები
- ,,სანამ „ალდე“ და ქალბატონი კოსი არ გაემიჯნებიან ტერორისტს, მანამდე მათი ყველა სიტყვა არასერიოზულია"- შალვა პაპუაშვილი
- ,,ფაქტია – სანამ „ნაციონალური მოძრაობა“ არსებობს, ის არის ესკალაციის, დემოკრატიისთვის ძირის გამოთხრისა და საქართველოს სუვერენიტეტის უცხოსთვის ჩაბარების ინსტრუმენტი” – შალვა პაპუაშვილი
- ,,ბევრ ადამიანს მართვის მოწმობა შემოსავლის წყაროსთვის სჭირდებოდა, ეს ინიციატივა კი მათ ამის შესაძლებლობას დაუბრუნებს"- შალვა პაპუაშვილი
- ამინდი მკვეთრად უარესდება – სინოპტიკოსების გაფრთხილება
- ,,დღეს აშშ-ის მოქმედი ადმინისტრაცია ზუსტად ისე აფასებს ევროპაში მიმდინარე პროცესებს, როგორც ჩვენ ამას ვაკეთებდით გასული წლების განმავლობაში"- ირაკლი კობახიძე